نادرا شناختی کارڈ حاصل کرنے کا طریقہ، شرائط، فیس اور دیگر تفصیلات جولائی 2025 کی اپ ڈیٹ
اسلام آباد (نمائندہ خصوصی) قومی ڈیٹابیس اور رجسٹریشن اتھارٹی (نادرا) پاکستان کے 18 سال یا اس سے زائد عمر کے شہریوں کو کمپیوٹرائزڈ قومی شناختی کارڈ (CNIC) جاری کرنے کی مجاز سرکاری ادارہ ہے۔
کمپیوٹرائزڈ شناختی کارڈ ایک جدید، محفوظ اور ٹیکنالوجی سے آراستہ دستاویز ہے، جو ہر پاکستانی شہری کے لیے نہ صرف شناخت کا ذریعہ ہے بلکہ روزمرہ کی اہم خدمات کے حصول کے لیے بھی لازمی ہے۔ ہر شناختی کارڈ پر ایک مخصوص 13 ہندسوں پر مشتمل نمبر درج ہوتا ہے جو ملک بھر میں شناخت کے لیے تسلیم شدہ ہے۔
CNIC کہاں کہاں ضروری ہے؟
- ڈرائیونگ لائسنس
- بینک اکاؤنٹ
- پاسپورٹ
- موبائل سم
- نیشنل ٹیکس نمبر (NTN)
شناختی کارڈ کو تعلیم اور صحت کے شعبوں سے بھی جوڑا جا چکا ہے، جیسے اسکول داخلوں میں شناخت کی تصدیق اور میڈیکل ریکارڈز کی لنکنگ۔
پہلی بار شناختی کارڈ کے لیے درخواست کیسے دیں؟
جو شہری پہلی مرتبہ شناختی کارڈ حاصل کرنا چاہتے ہیں، وہ قریبی نادرا دفتر میں درج ذیل دستاویزات کے ساتھ جا کر درخواست دے سکتے ہیں:
- پیدائش کا سرٹیفکیٹ یا میٹرک کا رزلٹ کارڈ
- کسی قریبی خاندان کے فرد کا شناختی کارڈ (CNIC) کی کاپی
نادرا دفتر میں بایومیٹرک تصدیق، تصویر اور دیگر تفصیلات کا اندراج کیا جاتا ہے۔
نادرا CNIC فیس – جولائی 2025
| کیٹیگری | فیس | مدت (ایام) |
|---|---|---|
| نارمل | مفت | 15 دن |
| ارجنٹ | 1150 روپے | 12 دن |
| ایگزیکٹو | 2150 روپے | 6 دن |
نادرا کا کمپیوٹرائزڈ شناختی کارڈ ہر پاکستانی شہری کے لیے ایک بنیادی اور لازمی دستاویز ہے جو نہ صرف شناخت بلکہ ہر شعبہ زندگی سے وابستہ سہولیات کے لیے درکار ہے۔ شہریوں کو چاہیے کہ وہ مقررہ دستاویزات کے ساتھ بروقت درخواست دے کر یہ اہم دستاویز حاصل کریں۔
یہ بھی پڑھیں⬇